Ede Moun ki Gen Kapasite Limite nan Anglè
Nan dat ki te 11 out 2000, Prezidan Clinton te siyen yon Dekrè 13166 ki gen tit, "Amelyore Aksè nan Sèvis pou Moun ki Gen Kapasite Limite nan Anglè." Dekrè a egzije ajans federal yo pou egzamine sèvis yo bay yo, pou idantifye tout bezwen pou sèvis pou moun ki gen kapasite limite nan Anglè yo (LEP), pou devlope epi aplike yon sistèm pou bay sèvis sa yo pou moun ki gen LEP ka gen bon jan aksè nan yo. Dekrè a egzije tou pou ajans Federal yo travay pou asire ke benefisyè asistans finansye federal yo ofri yon aksè adekwa nan aplikan ak benefisyè LEP yo.
Daprè Dekrè 13166 la, EPA gen responsabilite pou l:
- prepare yon oryantasyon sou Tit VI pou tabli yon plan jeneral pou benefisyè asistans finansye EPA yo pou yo aplike nan elaborasyon enstriksyon ki vize pou bay yon aksè adekwat ak moun ki gen LEP k ap patisipe nan pwogram ak aktivite yo; epi
- elabore epi aplike yon plan LEP Ajans entèn kote moun ki gen LEP yo ka gen bon jan aksè nan pwogram EPA yo.
Nan dat ki te 25 Jen 2004, EPA Office of External Civil Rights Compliance (OECRC) (yo te konnen l lè sa a kòm Biwo Dwa Sivil) te pibliye yon Dokiman Oryantasyon ki gen tit, "Gid pou Benefisyè Asistans Finansye yo nan Ajans Pwoteksyon Anviwònman an Konsènan Entèdiksyon Tit VI kont Diskriminasyon ki baze sou orijin nasyonal ki afekte moun ki gen kapasite limite nan lang Anglè yo." Enstriksyon sa a rete anvigè.
Nan dat ki te 3 Novanm 2023, Biwo Jistis Anviwònman ak Dwa Sivil Ekstèn nan (OEJECR) te pibliye yon Òdonans EPA 1000.32 (pdf) "Konfòmite ak Dekrè Egzekitif 13166: Amelyore Aksè nan Sèvis pou Moun ki Gen Kapasite Limite nan Anglè". Dekrè a, ki te pibliye nan kòmansman ana 2011 lan, eksplike etap ki nesesè ke Ajans la dwe pran pou l bay moun ki gen LEP yo bon jan aksè nan pwogram, aktivite ak sèvis EPA yo.
Oryantasyon ak Materyèl pou EPA ak Benefisyè li yo
- Dekrè 13166 Amelyore Aksè nan Sèvis pou Moun ki Gen Kapasite Limite nan Anglè (pdf) (227.2 KB) (Out 2000) (an Anglè)
- "Gid pou Benefisyè Asistans Finansye nan Ajans Pwoteksyon Anviwònman an Konsènan Entèdiksyon Tit VI Kont Diskriminasyon ki baze sou Orijin Nasyonal Ki Afekte Moun ki Gen Kapasite Limite" jan yo te pibliye l nan Rejis Federal la nan dat ki te 25 Jen 2004. (an Anglè)
- Òdonans EPA 1000.32 (pdf) (Novanm 2023)
- Enfòmasyon pou moun ki Gen Kapasite Limite nan Anglè
- LEP.gov -- yon sit entènèt entè-enstitisyonèl federal ki bay konsèy ak lyen pou enfòmasyon, zouti, ak asistans teknik konsènan Kapasite limite nan Anglè ak aksè lenguistik pou ajans federal yo, benefisyè fon federal yo, itilizatè pwogram federal yo ak pwogram ki resevwa asistans federal yo, ak lòt moun.(an Anglè)
Tanpri voye yon imel bay Kowòdonatè Pwogram Nasyonal ekstèn LEP Aksè pou moun Andikape yo (LanguageInterpretationTranslationRequest@epa.gov) pou bay kòmantè epi jwenn plis enfòmasyon sou pwogram LEP EPA a, oswa si w gen kesyon sou sèvis asistans lenguistik.